Օրերս Ռադիոտան լեգենդար ստուդիայում լեգենդար Ազնավուր էր հնչում․ շանսոնիեի աշխարհահռչակ ստեղծագործությունները հանդիսատեսին է ներկայացրել հենց այն նվագախումբը, որը տարիներ առաջ կարողացել է անակնկալի բերել Ազնավուրին։
Նվագախմբի գեղարվեստական ղեկավար, դիրիժոր, ՀՀ ժողովրդական արտիստ Երվանդ Երզնկյանը «Ռադիոլուրին» պատմել է, թե ինչպես է իրենց հաջողվել հուզել այն մարդուն, որը հուզում էր միլիոնների։ Հանրային ռադիոյի էստրադային-սիմֆոնիկ նվագախումբը մեծ շանսոնիեի հոբելյանական 100-ամյակն ամփոփել է յուրահատուկ համերգով:
