ԵՄ դիվանագիտության ղեկավարը չի բացառում Վրաստանի դեմ պատժամիջոցները

ԵՄ արտաքին քաղաքականության և անվտանգության հարցերով բարձր ներկայացուցիչ Կայա Կալլասը հայտարարել է, որ չի բացառվում Վրաստանի նկատմամբ պատժամիջոցների կիրառումը՝ եվրաինտեգրումից հրաժարվելու և խաղաղ ցուցարարների դեմ բռնության պատճառով, հայտնում է DW-ն։

Նա ընդգծել է, որ Վրաստանի կառավարությունը պարտավոր է հարգել ժողովրդի կամքն ու սահմանադրությունը։ Հնարավոր պատժամիջոցները, ներառյալ վիզաների սահմանափակումները, քննարկվելու են ԵՄ անդամ երկրների կողմից։

Վրաստանում զանգվածային ցույցերը սկսվել են նոյեմբերի 28-ին՝ վարչապետի հայտարարությունից հետո, որ Եվրամիության հետ բանակցությունները հանվում են օրակարգից մինչև 2028 թվականը։

Թարգմանությունը՝ Կարինե Ծատրյանի