ՀՀ ԱԳ նախարար Արարատ Միրզոյանը X-ի իր էջում արված գրառմամբ շնորհակալություն է հայտնել ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելին՝ պաշտոնն ավարտելու կապակցությամբ։
ԱԳ նախարարը շնորհակալություն է հայտնել նրան ՀՀ-ԵՄ հարաբերությունների մերձեցման, «մեր ընդհանուր արժեքներին նվիրվածության և ՀՀ-ԵՄ գործընկերություն հաստատելու համար»։
«Դժվար ժամանակներ էին, հսկայական մարտահրավերներով, աննախադեպ ջանքեր պահանջող: Մենք նոր հանգրվաններ ձեռք բերեցինք Հայաստանին ԵՄ-ին մոտեցնելու գործում, և ես անհամբերությամբ սպասում եմ շարունակելու այդ ճանապարհը Կայա Կալլասի հետ»:
Dear @JosepBorrellF, as you finish the term as #EU HR for Foreign & Security Policy, I express appreciation for dedication to our shared values & commitment to make 🇦🇲-🇪🇺 partnership
— Ararat Mirzoyan (@AraratMirzoyan) December 1, 2024
stronger.
These were difficult times, with huge challenges, requiring unprecedented efforts.… pic.twitter.com/EUG3ekqebF
ԵՄ արտաքին քաղաքականության և անվտանգության հարցերով բարձր ներկայացուցիչ Ժոզեպ Բորելը հայտնել էր, որ նոյեմբերի 29-ին կավարտի աշխատանքը ԵՄ-ի դիվանագիտության ղեկավարի պաշտոնում. նա գործերը կփոխանցի Էստոնիայի նախկին վարչապետ Կայա Կալլասին, որը կփոխարինի իրեն։
Նոյեմբերի 27-ին Եվրախորհրդարանը հաստատել է Եվրահանձնաժողովի նոր կազմը՝ Ուրսուլա ֆոն դեր Լայենի գլխավորությամբ։ ԵՄ դիվանագիտության ղեկավարի պաշտոնում հաստատվել է Կայա Կալլասը։
Կալլասն այս պաշտոնում իր առաջնահերթությունները համարել է աջակցությունն Ուկրաինային և դիմակայությունը Ռուսաստանին ու Չինաստանին։
