Արդեն չորրորդ օրն է՝ Սիրիայի մայրաքաղաք Հալեպում պայթյուններ են։
«Ընդդիմադիր զինյալներ ներթափանցած են Հալեպի Արևմտյան թաղամասերից դեպի կենտրոն, բայց քաղաքում բախումներ չկան , նրանց թիրախը զինվորական ուժերն են»,-«Ռադիոլուր»-ին Հալեպից փոխանցում է գրականագետ, բանաստեղծ Հարութ Կարապետյանը։
Վերջին անգամ Սիրիայի զինված ընդդիմությունը հարձակողական գործողություններ ձեռնարկել էր 2020 թվականին․ հարաբերական խաղաղությունից հետո վերջին օրերի կրակոցներն ու լարվածությունը նորից իրար են խառնել Հալեպը՝ ասում է Կարապետյանը։
Բոլորը սպասման անորոշ վիճակում են, Հալեպի փողոցներում խցանումներ են. քաղաքի գլխավոր ճանապարհը վերահսկվում է զինյալների կողմից։ Կա նաև այլընտրանքային՝ անապատային ճանապարհ, բայց խորհուրդ է տրվում զերծ մնալ ճանապարհ գնալուց։
ՀՀ արտաքին գործերի նախարարությունից փոխանցել են, որ հետևում են Հալեպում իրադարձությունների զարգացմանը և իրավիճակի գետազագա զարգացումներով պայմանավորված՝ կկայացնեն համապատասխան որոշումներ։
Ըստ «Ռոյթերսի»՝ աղբյուրները, որոնք կապված են թուրքական հետախուզության հետ, ասում են, որ Անկարան, որը աջակցում է սիրիական զինված ապստամբներին, կանաչ լույս է վառել հարձակման համար: Սակայն Թուրքիայի արտաքին գործերի նախարարության խոսնակ Օնջու Քեչելին ուրբաթ օրն ասել է, որ Թուրքիան ձգտում է խուսափել տարածաշրջանում անկայունությունից, իսկ ապստամբների հարձակումները խաթարում են դեէսկալացիայի համաձայնագիրը։
