Հունգարիայում Հայաստանի դեսպանություն կբացվի

Կառավարությունն իր այսօրվա նիստում Հունգարիայում ՀՀ դեսպանություն ստեղծելու մասին որոշում է կայացրել:

Հիմնավորման մեջ նշվում է, որ 2022-ի դեկտեմբերի 1-ին Լոձում՝ ԵԱՀԿ նախարարական համաժողովի շրջանակներում տեղի է ունեցել Հայաստանի և Հունգարիայի ԱԳ նախարարների հանդիպումը, որի ընթացքում պայմանավորվածություն է ձեռք բերվել վերականգնել լիարժեք դիվանագիտական հարաբերությունները:

Դրանց վերականգնումից հետո երկու երկրների միջև ընթանում է ակտիվ քաղաքական երկխոսություն, առկա է բազմաոլորտ երկկողմ օրակարգ: Նշվում է, որ Հայաստանի համար Հունգարիան ունի կարևոր նշանակություն՝ որպես ԵՄ անդամ երկիր։