Մակունցն ու Հնդկաստանի դեսպանը անդրադարձել են երկու երկրների միջև համագործակցության ընդլայնմանը

Նոյեմբերի 13-ին դեսպան Մակունցը հանդիպում է ունեցել ԱՄՆ-ում Հնդկաստանի դեսպան Վինայ Կվատրայի հետ, տեղեկացնում են ԱՄՆ-ում ՀՀ դեսպանությունից:

Դեսպաններն անդրադարձել են փոխադարձ հետաքրքրություն ներկայացնող տարբեր ոլորտներում Հայաստանի և Հնդկաստանի միջև համագործակցության ընդլայնմանը, ինչպես նաև մտքեր են փոխանակել իրենց երկրների՝ Միացյալ Նահանգների հետ երկկողմ հարաբերությունների կայուն զարգացման վերաբերյալ։