Հնդկաստանը Հայաստան է ուղարկել «Աքաշ» զենքի համակարգի առաջին մարտկոցը։ Սա արտահանված երկրորդ հրթիռային համակարգն է, հայտնում է The New Indian Express-ը։
Պաշտպանական հետազոտությունների և զարգացման կազմակերպության կողմից մշակված «Աքաշ» համակարգը «երկիր-օդ» տիպի հրթիռ է, որով կարող է խոցել կործանիչներ, հրթիռներ, անօդաչու սարքեր և այլ օդային միջոցներ։
Bharat Electronics Limited-ի (BEL) արտադրած «Աքաշ» համակարգի յուրաքանչյուր մարտկոց ուղեկցվում է մեկ Rajendra 3D պասիվ էլեկտրոնային սկանավորվող ռադարով և չորս արձակիչով՝ յուրաքանչյուրը երեք հրթիռով, որոնք բոլորը փոխկապակցված են: Աղբյուրի համաձայն՝ 2022 թվականին Հայաստանը Հնդկաստանի հետ գործարք է կնքել 15 «Աքաշ» հրթիռային համակարգերի ձեռքբերման վերաբերյալ՝ այդպիսով դառնալով առաջին օտարերկրյա երկիրը, որը գնել է այս հրթիռային համակարգը։
