Արաբական պետությունների լիգայի (ԱՊԼ) և Իսլամական համագործակցության կազմակերպության (ԻՀԿ) անդամ երկրները Էր Ռիադում անցկացված արտահերթ գագաթնաժողովում ընդունել են Գազայի հատվածում ստեղծված իրավիճակի վերաբերյալ եզրափակիչ հայտարարություն։
Մասնավորապես, երկրները Իսրայելին պատասխանատու են համարել Եգիպտոսի, Կատարի և ԱՄՆ-ի միջնորդությամբ տարածաշրջանում կարգավորման շուրջ բանակցությունների ձախողման համար։
«Վերահաստատում ենք մեր աջակցությունը ԱՄՆ-ի հետ համագործակցությամբ Եգիպտոսի և Կատարի կողմից ձեռնարկված հսկայական և կարևոր ջանքերին՝ Գազայի հատվածում անհապաղ և մշտական հրադադարի հասնելու և պատանդների ու բանտարկյալների ազատ արձակման համար, և Իսրայելի կառավարության կողմից բանակցողների ձեռք բերված պայմանավորվածություններից հրաժարվելու հետևանքով այդ ջանքերի ձախողման պատասխանատվությունը դնում ենք Իսրայելի վրա»,- ասվում է փաստաթղթում, որի տեքստը հրապարակվել է ԻՀԿ-ի կայքում։
Եզրափակիչ փաստաթղթում արտացոլված անդամ երկրների հիմնական դիրքորոշումներն են՝
- Դատապարտում են Իսրայելի «կանխամտածված հարձակումները» Լիբանանում ՄԱԿ-ի ժամանակավոր ուժերի վրա։
- Դատապարտում են Իսրայելի հարվածները Սիրիայի տարածքին.
- ՄՔԴ-ին կոչ են անում օրդեր տալ իսրայելցի պաշտոնյաների ձերբակալության համար, ովքեր հանցագործություններ են կատարել Պաղեստինի ժողովրդի դեմ:
- Կոչ են անում միջազգային հանրությանը ստիպել Իսրայելին դուրս բերել զորքերը Գազայի հատվածից։
- Կոչ են անում աշխարհի բոլոր պետություններին արգելել զենքի և զինամթերքի մատակարարումը Իսրայելին։
- Կձգտեն սառեցնել Իսրայելի մասնակցությունը ՄԱԿ-ի Գլխավոր ասամբլեային։
- Պահանջում են ՄԱԿ-ի Անվտանգության խորհրդից պատժամիջոցներ սահմանել Իսրայելի դեմ՝ Հորդանան գետի արեւմտյան ափում նրա գործողությունների համար։
