Միացյալ Թագավորության կառավարության նախկին նախարարի և հանքարդյունաբերության հետ սերտ կապեր ունեցող լոբբիստական ընկերությունը 4,7 միլիոն դոլար կստանա նավթով հարուստ Ադրբեջանին COP29-ից առաջ իր իմիջը բարձրացնել օգնելու համար, հայտնում է i-Paper-ը:
Teneo լոբբիստական ընկերությունը, որտեղ աշխատում են Լեյբորիստական կուսակցության մշակույթի նախկին քարտուղար Բեն Բրեդշոուն, ինչպես նաև Բորիս Ջոնսոնի բիզնեսի նախկին ղեկավար Ալեքս Հիքմանը, ստացել է յոթամսյա պայմանագիր, որը կօգնի պետությանը «կանաչեցնելու» (greenwash) հեղինակությունը:
Democracy for Sale-ի և SourceMaterial-ի հետ համատեղ i-Paper-ի կողմից իրականացված հետաքննությունը ցույց է տալիս, որ որպես Teneo–ի պայմանագրի մաս, նրա բրիտանացի խորհրդատուներից մեկին կվճարվի «ամսական $25,000, գումարած $50,000 բոնուսներ»:
Ըստ ԱՄՆ փաստաթղթերի, Teneo-ն կտրամադրի «մեդիա ուսուցում» և խորհուրդներ կտա COP գագաթնաժողովը հյուրընկալողներին:
Լոբբիստական ֆիրմայի աշխատանքը կղեկավարի Գլոբալ ռազմավարության գծով նախագահ Ջեֆ Մորելը, որը Ադրբեջանում ամենամեծ օտարերկրյա ներդրող British Petroleum-ի նախկին ղեկավարն է:
Կլիմայական արշավի խմբերը մեղադրում են Teneo-ին Ադրբեջանի իմիջը «greenwash» անել օգնելու մեջ:
Global Witness–ի ավագ քննիչ Լելա Սթենլին ասում է. «Այն ընկերությունները, որոնք օգնում են նավթային պետություններին, ինչպիսին է Ադրբեջանը… մեղսակից են «greenwashing»–ին»:
«Ադրբեջանը և նրա գործընկերները իրենց իմիջի վրա կենտրոնանալու փոխարեն պետք է հանքարդյունաբերական ընկերություններին ստիպեն վճարել ՄԱԿ-ի Կորուստների և Վնասների Հիմնադրամին: Մոլորակը աղտոտողները պետք է վճարեն իրենց պատճառած ավերածությունների համար», — նշեել է Սթենլին:
Teneo-ի ավագ գործադիր տնօրենը Պատրիկ Լոֆլանն է, որը Թոնի Բլերի նախկին հատուկ խորհրդականներից է և Լեյբորիստական կուսակցության քաղաքականության նախկին տնօրենը և հետազոտությունների ղեկավարը:
