Ժպիտ պարգևողի ժպիտի վերադարձը․ Մանարյանի արձանի վրա թաքնված սիմվոլներ կան

Երվանդ Մանարյանի 100-ամյակի առթիվ երևանցիներին հենց մայրաքաղաքի սրտում հոբելյանական նվեր է արվել․ մոտ ութ ամսվա աշխատանքի արդյունքում ծնված արձանը պատկերում է Մանարյանին՝ «Հարսնացուն հյուսիսից» ֆիլմի Երվանդի  նույն կերպարով։  Արձանի բացմանը մասնակցել են կառավարության անդամներ՝ վարչապետ Նիկոլ Փաշինյանի գլխավորությամբ և երևանի քաղաքապետը։  Արձանը հավակնում է դառնալ քաղաքի այցեքարտերից մեկը, իսկ դրա քանդակագործ Արմենակ Վարդանյանը «Ռադիոլուրին» պատմել էր, որ դրա վրա նաև քողարկված սիմվոլներ կան։