Շրջանառության հարկի դաշտից մի շարք ոլորտների տնտեսվարողների ավելացված արժեքի հարկի դաշտ տեղափոխելու աղմկահարույց նախագիծը գուցե չընդունվի այն տեսքով, որով դրվել է քննարկման, բացի այդ՝ այն հավանաբար կընդունվի ոչ թե եկող տարվա հունվարի, այլ հուլիսի 1-ից՝ «Ռադիոլուրի» հետ հարցազրույցում ընդգծել է Ֆինանսների նախարար Վահե Հովհաննիսյանը՝ անդրադառնալով տնտեսագիտական շրջանակներում հնչող բազմաթիվ մտահոգություններին:
«Մենք տեսնում ենք, որ շրջանառության հարկով հարկվողները չեն աճում, ինչպես ի սկզբանե ակնկալվել է, իսկ հարկման այս համակարգը հաճախ օգտագործվում է հարկերից խուսափելու համար։ Ժամանակին խնդիրները մինչև վերջ չենք տեսել, բացի այդ՝ այդ մեխանիզմը սահմանվել է տնտեսական բոլորովին այլ պայմաններում»,-մանրամասնել է նախարարը: Մոտեցումը հստակ է՝ շրջանառության հարկը խաթարում է ընդհանուր հարկման դաշտը, նաև՝ արտոնյալ պայմաններ ստեղծում բիզնեսի որոշ ուղղությունների համար: Նախարարը հարկի վերանայումը բնորոշել է նաև սոցիալական արդարության հարց:
Մանրամասները՝ Ֆինանսների նախարար Վահե Հովհաննիսյանի հետ հարցազրույցի ամբողջական տարբերակում:
