Վերջին շաբաթներին զգալիորեն մեծացել է Բեյրութից Երևան տեղափոխվողների թիվը։ Սփյուռքի գործերի գլխավոր հանձնակատարի գրասենյակի տվյալներով՝ միայն վերջին մեկ ամսում 870-ից ավելի մարդ է Բեյրութ-Երևան թռիչքով եկել Հայաստան։ Նրանցից շատերը նաև քաղաքացիության համար են դիմում։ Ուղևորները ճամպրուկներում փորձել են տեղավորել հնարավոր ամենը: «Ռադիոլուր»-ի թիմը «Զվարթնոց» օդանավակայանում է եղել:
