ԱՄՆ-ն ամիսներ առաջ էր ցանկանում տեսնել Հայաստանի և Ադրբեջանի միջև խաղաղության համաձայնագիրը, ամենօրյա ճեպազրույցում ասել է Պետդեպարտամենտի խոսնակ Մեթյու Միլլերը։
Նա ասել է, որ իրենք երբեք համաձայնագիրը չեն կապել հաջորդ ամիս Բաքվում կայանալիք COP29 համաժողովի հետ։
«Մենք ամիսներ առաջ էինք ցանկանում տեսնել Հայաստանի և Ադրբեջանի միջև խաղաղության համաձայնագիրը և պնդում էինք խաղաղության համաձայնագրի կնքման վրա, ի վերջո հույս ունեինք, որ կհասնենք այդ սահմանագծին: Բայց դա կախված է երկու կողմերից, ոչ թե Միացյալ Նահանգներից», — ասել է Միլլերը:
Հայաստանը բազմիցս հայտարարել է համաձայնագիրը ստորագրելու իր պատրաստակամության մասին։
