ԻԻՀ ԱԳ նախարար Աբաս Արաղչին երեկ Լիբանան կատարած այցից հետո այսօր մեկնել է Սիրիա։
«Արտաքին գործերի նախարար Աբաս Արաղչին իր գլխավորած պատվիրակության հետ պաշտոնական այցով Դամասկոս է ժամանել,որտեղ նա կհանդիպի Սիրիայի բարձրաստիճան պաշտոնյաների հետ՝ երկկողմ հարաբերությունները և տարածաշրջանային զարգացումները քննարկելու համար»,-X-ի իր միկրոբլոգում հայտնել է Իրանի ԱԳՆ խոսնակ Էսմայիլ Բաղաին։
وصل وزير الشؤون الخارجية الدكتور #عراقجي إلى دمشق على رأس وفد في زيارة رسمية إلى #سوريا؛ حیث سيلتقي بالمسؤولين السوريين رفيعي المستوى لمناقشة العلاقات الثنائية والتطورات الإقليمية. pic.twitter.com/Frxl25PkPj
— Esmaeil Baghaei (@IRIMFA_SPOX) October 5, 2024
Աբաս Արաղչին Բեյրութում հանդիպել էր Լիբանանի վարչապետի պաշտոնակատար Նաջիբ Միքաթիի հետ։ Կողմերը քննարկել էին Լիբանանում տիրող իրավիճակը և տարածաշրջանային զարգացումները։
Արաղչին վերահաստատել էր Իրանի աջակցությունը Լիբանանին, որտեղ Իսրայելը սեպտեմբերի 23-ից հարձակումներ է իրականացնում։ Իրանի արտգործնախարարը նաև հայտարարել է, որ Թեհրանը նախատեսում է դիվանագիտական արշավ սկսել, այդ թվում՝ խնդրել Իսլամական համագործակցության կազմակերպության նիստի անցկացում։
Հոկտեմբերի 1-ին Իրանն ավելի քան 180 բալիստիկ հրթիռ է արձակել Իսրայելի ուղղությամբ։ Իսրայելի զինվորականները հայտարարել են, որ այդ գնդակոծությանը կպատասխանեն, երբ անհրաժեշտ համարեն:
