Թեհրանը չի վարանի պաշտպանել իր ազգային անվտանգության շահերը, համաշխարհային կազմակերպության Անվտանգության խորհրդին ուղղված նամակում գրել է ՄԱԿ-ում Իրանի մշտական ներկայացուցիչ Ամիր Սաիդ Իրավանին։
«Իրանը չի վարանի պաշտպանել իր շահերը ազգային անվտանգության ոլորտում»,- ասվում է տեքստում։
«Մենք կոչ ենք անում շտապ նիստ գումարել (ՄԱԿ-ի Անվտանգության խորհրդի) Իսրայելի ահաբեկչական ագրեսիայի հարցը լուծելու համար»,- գրել է Իրանի մշտական ներկայացուցիչը։
Նամակը ՄԱԿ-ի Անվտանգության խորհրդին հասցեագրվել է այն բանից հետո, երբ Իսրայելի պաշտպանության ուժերը հայտնել են, որ Լիբանանի շիական «Հեզբոլլահ» շարժման գլխավոր քարտուղար Հասան Նասրուլլան սպանվել է Բեյրութի հարավային արվարձաններում իսրայելական օդային հարձակման հետևանքով։
Օդից հարվածը տեղի էր ունեցել սեպտեմբերի 27-ին շարժման ղեկավարության նիստի ժամանակ։ Սեպտեմբերի 28-ին Հեզբոլլահը հաստատել է իր առաջնորդի մահը՝ հայտարարելով, որ կշարունակի պայքարը Իսրայելի դեմ:
