Վաղը պատերազմ էր

4 տարի առաջ այս օրը 44-օրյա պատերազմը դեռ ապագա էր։ Այն տեղի էր ունենալու վաղը։

Այս օրը մարդիկ ապրում էին այժմ՝ անհասնելի հեռու թվացող, այն ժամանակ՝ առօրյա, սովորական մի կյանք՝ համեղ ընթրիք էին պատրաստում, ընկերություն էին անում, սիրում էին ու ամուսնանում, սպասում էին զորացրմանը կամ դիրք բարձրանալուն։

Վաղն արդեն ամեն բան ուրիշ է։ Իսկ 4 տարի առաջ այսօր մարդիկ դեռ ապրում էին՝ չիմանալով, որ շուտով փորձելու են կյանքին ասել Այո։

Հանրային ռադիոյի «Կյանքին ասել Այո» հաղորդման շրջանակում նրանցից շատերը պատմել են՝ ինչպես սկսվեց, ընթացավ, ավարտվեց, իսկ ավելի հաճախ՝ չավարտվեց ամեն ինչ։

Առանձնացրել ենք նրանցից 20-ի պատմությունները՝ մի ամբողջ 4 հավերժություն առաջ ապրած նախապատերազմյան օրվա՝ սեպտեմբերի 26-ի մասին։