Եվրապատգամավոր Նատալի Լուազոն Եվրախորհրդարանում խոսել է Ադրբեջանի կողմից Լեռնային Ղարաբաղում հայերի էթնիկ զտումների մասին` հայտնում են Բելգիայում ՀՀ դեսպանությունից
Պատգամավորը հիշեցրել է, որ սեպտեմբերի 19-ին լրանում է Լեռնային Ղարաբաղում Ադրբեջանի կողմից իրականացված էթնիկ զտումների մեկ տարին՝ նշելով, որ մեկ տարի անց ավելի քան 100.000 հայ վերադարձի հնարավորություն չունի։
«Ադրբեջանը շարունակում է պահել անցյալ հակամարտության գերիներին, և նրանք չեն կարողանում վերադառնալ տուն։ Լեռնային Ղարաբաղի հոգեւոր և մշակութային ժառանգությունը վտանգված է, բազմաթիվ հուշարձաններ ավերվել են։ Հայաստանի հետ խաղաղության պայմանագիր չի ստորագրվել, և մի քանի շաբաթից Բաքուն կհյուրընկալի COP29-ը։ Բոլոր նրանք, ովքեր պատրաստվում են մասնակցել համաժողովին, պարտավոր են կոչ անել ապահովել վերադարձը Լեռնային Ղարաբաղ և ազատ արձակել գերիներին»,- ասել է Եվրախորհրդարանի պատգամավորը։
At the initiative of @NathalieLoiseau the @Europarl_EN commemorates 1 year since #EthnicCleansing by Azerbaijan of #Armenians in #NagornoKarabakh pic.twitter.com/GqOqOHVld0
— Armenia in Brussels & Luxembourg 🇦🇲🇪🇺🇧🇪🇱🇺 (@ArminBXL) September 19, 2024
