ԱՄՆ նախագահի հանրապետական թեկնածու Դոնալդ Թրամփի հետ Իլոն Մասկի հարցազրույցն ուղեկցվել է տեխնիկական խնդիրներով։ Մասկը տեխնիկակական խափանումը բացատրել է կիբերհարձակմամբ, հայտնում է BBC-ն։
Նրա բնորոշմամբ «լայնախոհ ընտրողներին» ուղղված զրույցը սկսվել է ավելի քան 40 րոպե ուշացումով, քանի որ շատ օգտատերեր դժվարացել են միանալ եթերին։
Զրույցը սկսվելուց հետո Իլոն Մասկն ասել է, որ ենթադրյալ կիբերհարձակումը ցույց է տալիս, որ ԱՄՆ-ում Թրամփի ասելիքը լսելու «արգելք» կա:
Երկու ժամ տևած զրույցի վերջում Մասկը վերահաստատել է իր աջակցությունը Թրամփին և կոչ արել չափահաս ընտրողներին աջակցել հանրապետական արշավին:
Առայժմ պարզ չէ, թե որն է X-ի աուդիո զրույցի տեխնիկական խնդիրների պատճառը կամ ով կարող է կանգնած լինել ենթադրյալ հարձակման հետևում:
