Ֆրանսիայի իրավապահ մարմինները գրանցել են հանցագործությունների աճ Իլ-դե-Ֆրանս շրջանի օլիմպիական վայրերի մոտակայքում: Այդ մասին իր կայքում հայտնել է Ֆրանսիայի ՆԳՆ վիճակագրական ծառայությունը (SSMSI):
Զեկույցն ընդգրկում է հուլիսի 15-ից հուլիսի 21-ն ընկած ժամանակահատվածը և համեմատություն է արվում է նախորդ շաբաթվա հետ։ Կատարված հանցագործությունների թվի մասին ստույգ տվյալներ չեն հաղորդվում։
Փաստաթղթի համաձայն՝ օլիմպիական օբյեկտներին հարակից տարածքներում պետական պաշտոնյաներին ուղղված վիրավորանքների ու նրանց վրա հարձակումների թիվը նախորդ շաբաթվա համեմատ աճել է 20%-ով, իսկ բռնությամբ գողությունների թիվը՝ 12%-ով, 11%-ով ավելի հաճախ են տեղի ունեցել կռիվները։ Թմրամիջոցների օգտագործման դեպքեր գրանցվել են 3%-ով ավելի հաճախ։
Միաժամանակ մի փոքր նվազել են առանց բռնության գողության դեպքերը (2%-ով), բնակարաններից գողությունները՝ 5%-ով, իսկ մեքենաներից գողությունները՝ 1%-ով։ Սակայն օլիմպիական խաղերի անցկացման վայրերին հարող տարածքներից դուրս ավտոմեքենաների գողությունները, ընդհակառակը, 8%-ով ավելի հաճախ են տեղի ունեցել։ Զեկույցում ընդգծվում է, որ այս թվերը վերջնական չեն և կարող են հետագայում վերանայվել, քանի որ բողոքները միշտ չէ, որ ներկայացվում են հանցագործություններից անմիջապես հետո:
Փարիզի ոստիկանության պրեֆեկտուրան, իր հերթին, հրապարակել է 2024 թվականի առաջին կիսամյակի վիճակագրությունը, որում նշում է հանցագործության «աննախադեպ անկում»։ Այսպիս, բռնի գործողություններ սկսել են տեղի ունենալ 3%-ով ավելի հազվադեպ, իսկ գողությունները և բնակարանային գողությունները ընդհանուր առմամբ նվազել են 8%-ով։ Տարեսկզբից տրանսպորտում գողությունները նվազել են 11,2%-ով. Նշվում է, որ հուլիսի 26-ին նախատեսված Օլիմպիական խաղերի բացման արարողությանը ընդառաջ Փարիզի փողոցներում տեղակայված ոստիկանական և ժանդարմերիայի ուժեղացված ծառայությունները դարձել են «զսպող գործոն»։
