Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 30 անձ
![](https://hy.armradio.am/wp-content/uploads/2024/06/MHM0156840-scaled.jpg)
Բաղրամյան պողոտայում տեղի ունեցած իրադարձությունների հետևանքով բուժօգնության է դիմել 30 անձ։
Նրանք ստանում են անհրաժեշտ բուժօգնություն։ Ունեն հիմնականում թեթև և միջին ծանրության վնասվածքներ։
ՀՀ առողջապահության նախարարությունից խոստանում են լրացուցիչ տեղեկատվություն տրամադրել։
Ոստիկանությունը լուսաձայնային նռնակներ է կիրառել Բաղրամյան պողոտայում Ազգային Ժողովի շենքի մոտ։
«Ոստիկանությունը լուսաձայնային նռնակներ է կիրառել Բաղրամյան պողոտայում, քանի որ «Տավուշը հանուն հայրենիքի» շարժման ակտիվիստները փորձել են Սիրահարների այգու ծառերի վրա մագլցելով գրոհել ԱԺ–ն»,- Կառավարություն-ԱԺ հարցուպատասխանի ժամանակ հայտարարել է ԱԺ նախագահ Ալեն Սիմոնյանը։
ՀՀ վարչապետ Նիկոլ Փաշինյանն էլ հայտարարել է, որ Ոստիկանությունն իրականացնում է օրենքով իրեն վերապահված գործառույթները՝ խստիվ օրենքի շրջանակներում։
Ավելի վաղ Ոստիկանությունը հայտարարություն էր տարածել՝ կոչ անելով զերծ մնալ հակաիրավական գործողություններից և չհրահրել բախումներ։