Մեղրի համայնքապետարանում աշխատանքային այցով հյուրընկալել են ՄԱԶԾ «Կայուն համայնքներ» ծրագրի փորձագետներին՝ նոր նախագծի առաջարկությամբ։
Նախագիծը կոչվում է «Նուռ/NOOOR», այն համայնքում զարկ է տալու նռից պատրաստվող խմիչքների արտադրությանը և գյուղական բնակավայրերում մշտական բնակեցված առանձնատանը նռան վերամշակման համալիր ծրագիր է։
Այդ առիթով Մեղրիի համայնքապետարանի նիստերի դահլիճում կայացել է հանդիպում-քննարկում համայնքի մի շարք շահագրգիռ անձանց հետ, նրանց մանրամասն ներկայացվել է «NOOOR» նախագիծը, ինչպես նաև անդրադարձ է կատարվել «Կայուն համայնքներ» ծրագրի հաջողված նախագծերին, որոնցից են՝
- Չիր-չիր
- Ես կարող եմ
- Կախասունկ
- Քաղցր տուն
- Solar 24 և այլն։
Նախագիծն իրականացվում է ՄԱԶԾ «Կայուն համայնքներ» ծրագրի համաֆինանսավորմամբ և ուղղված է Սյունիքում և Վայոց Ձորում աջակցել ագրովերամշակման ոլորտում գործող տնային տնտեսություններին՝ վերազինվել և բարձրացնել արդյունավետությունը։
