Այսօր Հանրապետության հրապարակում մեկնարկել է «Տավուշը հանուն հայրենիքի» շարժման ղեկավար, ընդդիմության վարչապետի թեկնածու Բագրատ արքեպիսկոպոս Գալստանյանի հրավիրած հանրահավաքը։
Մայիսի 9-ը ոչ թե «Տավուշը հանուն հայրենիքի» շարժման սկիզբն էր, այլ երկրորդ փուլի մեկնարկը։ Շարժումը սկվսել էր Տավուշի Կիրանց, Ոսկեպար և Բաղանիս համայնքներում Հայաստանի Հանրապետության և Ադրբեջանի Հանրապետության միջև պետական սահմանի սահմանազատման գործընթացից, ասել է շարժման առաջնորդ Բագրատ արքեպիսկոպոս Գալստանյանը։ Դրա համար էլ շարժման անդամները Երևանում շարունակեցին պայքարը՝ սկսելով դրա երկրորդ փուլը:
Հունիսի 4-ին Սուրբ Աննա եկեղեցու բակում Գալստանյանը թվարկել է վարչապետի հրաժարականի դեպքում ձևավորվելիք անցումային կառավարության 3 հիմնական գործառույթները։
«1․ Հաշտության Կառավարություն, որն իրականացնելու է հաշտության օրակարգը բոլոր շերտերում։
2․ Արտաքին աշխարհի հետ հարաբերությունների կարգավորում և իրավիճակի գնահատում՝ փորձելով հասնել նրան, որ երկիրն այս ամբողջ աշխարհաքաղաքական իրավիճակում կարողանա իր ուրույն ընթացքը պահել։
3․ Պատրաստել արտահերթ ընտրություններ այն ժամանակահատվածում, որը կսահմանվի, իսկ ժամանակավոր Կառավարությունը չի մասնակցի այդ ընտրություններին, որպեսզի չխաթարվի արդարության սկզբունքը»։
«Տավուշը հանուն հայրենիքի» շարժումը պահանջում է վարչապետի հրաժարականը: Տավուշից քայլերթը մեկնարկել էր մայիսի 4-ին, Կիրանցից։ Տավուշցիները և նրանց միացած քաղաքացիները հայտարարել են, որ դեմ են սահմանազատմանը և պահանջում են դրա կասեցումը։
