Տավուշի թեմի առաջնորդ Բագրատ արքեպիսկոպոս Գալստանյանի առաջնորդությամբ այսօր Հանրապետության հրապարակից մեկնարկել է երթը դեպի բարձրագույն ուսումնական հաստատություններ։
ԵՊՀ-ում երթի մասնակիցներին ողջունել են բուհի ուսխորհրդի անդամները։ «Մեր պայքարը արժեքների մասին է, ճշմարտությունը հաստատելու մասին է։ Դուք առաջին կրողներն եք, սիրելի ուսանողներ»,- մայր բուհի մոտ հավաքված ուսանողներին ասել է Բագրատ սրբազանը։
Նա տեղեկացրել է, որ երթը շարունակվելու է դեպի մյուս բուհեր։
Ավելի վաղ նա կոչ էր արել սկսել խաղաղ անհնազանդության, անհամաձայնության գործողություններ Երևանում ու բոլոր շրջաններում։
«Մենք այցելում ենք համալսարաններ, բուհեր, խումբ-խումբ կամ միասին, ժամը 18։30 հավաքվում ենք Հանրապետության հրապարակ»,-ասել էր Տավուշի թեմի առաջնորդը։
