Մոսկվայում տեղի ունեցած ահաբեկչության զոհերի թիվը հասել է 143-ի

Մոսկվայի Crocus City Hall-ում տեղի ունեցած ահաբեկչության զոհերի թիվը հասել է 143-ի, Telegram-ի եթերում հայտնել է Rossiya Segodnya մեդիա խմբի և RT հեռուստաալիքի գլխավոր խմբագիր Մարգարիտա Սիմոնյանը։

«Արդեն ավելի շատ զոհեր կան, քան Նորդ-Օստում. 143 մարդ»,- ասվում է հրապարակման մեջ:

ՌԴ ռողջապահության նախարարությունը թարմացրել է Crocus City Hall-ում տեղի ունեցած ահաբեկչությունից տուժածների ցանկը։ Տուժածներն այժմ 154-ն են։
Պաշտոնական տվյալներով՝ 107 մարդ հոսպիտալացվել է, 44-ը ստանում է ամբուլատոր բուժօգնություն, ևս երեք հիվանդ դուրս է գրվել։