Փետրվարի 20-ին Վաշինգտոնի միջկառավարական մասնագիտական խմբի կողմից կազմակերպվել է ընդունելություն՝ ի պատիվ դեսպան Լիլիթ Մակունցի։
Բացման խոսքով հանդես է եկել և դեսպանին ներկայացրել է խմբի նախագահ Նելսոն Գարսիան, որից հետո ելույթ է ունեցել դեսպան Մակունցը՝ անդրադառնալով հայ-ամերիկյան երկկողմ հարաբերությունների զարգացմանը, Հայաստանի Հանրապետության մարտահրավերներին ու սպառնալիքներին և թե որքանով է կարողանում ՀՀ-ԱՄՆ երկկողմ օրակարգը հասցեագրել դրանք։
Դեսպանն առանձնակի շեշտել է ՀՀ-ԱՄՆ ռազմավարական երկխոսությունը՝ առանձնացնելով ժողովրդավարական բարեփոխումների, կոռուպցիայի դեմ պայքարի ուղղություններով համագործակցությունը։ Դեսպան Մակունցն անդրադարձել է նաև հայ-ամերիկյան երկկողմ խորացող հարաբերությունների հեռանկարին և պատասխանել ներկաներին հուզող բազմաթիվ հարցերին։
