ԿարևորՀասարակություն

Հայաստանի պահանջով Մոսկվայում ձերբակալվել է Ադրբեջանի քաղաքացի

Ադրբեջանցի ֆիթնես մարզիչ Քամիլ Զեյնալլին ձերբակալվել է Մոսկվայի «Դոմոդեդովո» օդանավակայանում՝ Հայաստանի պահանջով, չորեքշաբթի հայտնել է Մոսկվայում Ադրբեջանի դեսպանությունը։

Պահանջն իրականացվել է ԱՊՀ անդամ երկրների միջպետական ​​համաձայնագրի շրջանակներում, հայտնել են դեսպանությունից։

Զեյնալիի փաստաբան Ալեքպեր Գարաևը հաստատել է կալանավորումը։ Նա ադրբեջանական լրատվամիջոցներին ասել է, որ իր պաշտպանյալը Հայաստանի կողմից հետախուզման մեջ է հայտնվել 2020 թվականի սեպտեմբերի 29-ին չորս հոդվածով՝ չնշելով, թե որոնք են։ Փաստաբանը հավելել է, որ այս պահին գործը քննվում է դատախազության կողմից։ Նա չի բացառել, որ Զեյնալլիին կարող են ձերբակալել։

Back to top button