Բուլղարիա մայրաքաղաք Սոֆիայում անցկացվող ծանրամարտի Եվրոպայի առաջնությունում տեղի է ունեցել տղամարդկանց 102 կգ քաշային կարգի չեմպիոնի եւ մեդալակիրների պարգեւատրման արարողությունը:
Հայաստանի ներկայացուցիչ Սամվել Գասպարյանը պարգեևատրվել է երկամարտի արծաթե, պոկում վարժության փոքր բրոնզե եւ հրում վարժության փոքր արծաթե մեդալներով: Գարիկ Կարապետյանը պարգեւատրվել է երկամարտի բրոնզե մեդալով, պոկում վարժության փոքր ոսկե մեդալով:
Սամվել Գասպարյանը երկամարտի 396 կգ արդյունքով նվաճել է փոխչեմպիոնի կոչումը (180+216): Գարիկ Կարապետյանը 394 կգ արդյունքով բրոնզե մեդալակիր է (182 + 212): 102 կգ քաշային կարգի Եվրոպայի չեմպիոնի տիտղոսը երկամարտի 398 կգ արդյունքով նվաճել է աշխարհի եւ Եվրոպայի չեմպիոն, բելառուս Եվգենի Տիխոնցովը:
