ԱՄՆ-ը հավատարիմ է մնում Հայաստանի և Ադրբեջանի միջև բանակցային գործընթացին, հայտարարել է ԱՄՆ Պետդեպարտամենտի խոսնակ Մեթյու Միլերը:
«Մենք մտահոգված ենք զինվորականների միջև բախումների մասին տեղեկատվությամբ, որոնք հանգեցրել են զոհերի: Ուժի կիրառումը խաթարում է բանակցություններին ուղղված ջանքերը։ Կայուն խաղաղության հասնելու միակ ճանապարհը բանակցությունների սեղանի շուրջ նստելն է»,- ասել է Միլերը՝ հավելելով, որ հրադադարի ցանկացած խախտում կհետաքննվի:
