«Պատերազմի ցեցը»․ ներկայացում ապրածի ու չապրածի մասին

«Պատերազմի ցեցը» ներկայացման սցենարը Արմինե Բոյաջյանը և Նարեկ Մանուչարյանը գրեցին 2022 թ․-ին։ Ներկայացումը գրեթե պատրաստ էր, երբ սկսվեցին սեպտեմբերյան ողբերգական դեպքերը։ Դերասանները երկընտրանքի առաջ էին՝ խաղա՞լ, թե՞ ոչ։ Պատերազմի թեմայով ներկայացումներ շատ կան, բայց այս մեկը ստեղծվեց ոչ թե հանդիսատեսի զգայարանների վրա ազդելու, այլ՝ ասելիքը տեղ հասցնելու նպատակով։ Փոքր պետությունների կյանքը երբեք էլ հեշտ չի եղել, բայց եթե դարպասներդ չպահես, թշնամին մի օր տանդ է հայտնվելու․ հենց այս միտքն են ուզում հանդիսատեսին հասցնել ներկայացման հեղինակները։