ԿարևորՏնտեսական

Քննարկվել են Հայաստանի և Իրանի միջև տարանցման և էներգետիկայի ոլորտներում համագործակցության դյուրացման և ընդլայնման հնարավորությունները

ԻԻՀ ԱԳՆ տնտեսական համակարգման շտաբի նիստում քննարկվել են հարևան երեք երկրների՝ Հայաստանի, Սիրիայի և Օմանի հետ Իրանի համատեղ տնտեսական հանձնաժողովների կողմից հաստատված նախագծերի մանրամասները՝ հայտնում է Parstoday-ն։

ԻԻՀ ԱԳՆ տնտեսական դիվանագիտության հարցերով փոխնախարար Մեհդի Սաֆարին, ռադիոհեռուստատեսության լրատվական գործակալության հետ զրույցում, անդրադառնալով  Հայաստանի հետ Իրանի գործարար հարաբերություններին, ասել է. «Շինարարության և ճանապարհաշինության ոլորտներում Հայաստանի հետ համագործակցության շրջանակում, տեխնիկական և ինժեներական ծառայությունների նախագծեր են մշակվել։ Հայաստանի հետ համագործակցություն կա նաև գյուղատնտեսական հողերի մշակման և օգտագործման ոլորտում»: 
Խոսելով ԵԱՏՄ-ի հետ ազատ առևտրի համաձայնագրի ստորագրման մասին, Սաֆարին ասել է. «Փաստաթուղթն Իրանի և  միության անդամ երկրների ԱԳ  նախարարների կողմից կստորագրվի Ռուսաստանի Սանկտ Պետերբուրգ քաղաքում՝ դեկտեմբերի 25-ին»։

Back to top button