«Արարատ 73»-ի 12-րդ խաղացողը․ Սուրեն Բաղդասարյանի արխիվը կպահվի Հանրային ռադիոյի Ոսկե ֆոնդում

«Արարատ 73»-ի լեգենդար հաղթանակը ուղիղ 50 տարի առաջ հենց ռադիոընդունիչից ու Սուրեն Բաղդասարյանի ձայնով ցնցեց Խորհրդային Հայաստանը։ Հայկական ռադիոն դարձավ պատմական հաղթանակի միակ խոսափողը։ Պատմական հաղթանակը հնչունավորած մարզական մեկնաբանն իր կեսդարյա մասնագիտական արխիվը նվիրել է Հանրային ռադիոյի Ոսկե ֆոնդին, այն ռադիոյի, որտեղից ամեն ինչ սկսվել է։ Հանրային ռադիոյի նվիրյալների ճեմուղում այսուհետ նաև սպորտային լեգենդար մեկնաբան Սուրեն Բաղդասարյանի անունն է։