Սոցիալական պաշտպանության ոլորտում 2018 թվականի համեմատ 2024 թվականի բյուջեի ծախսերն ավելի քան կրկնապատկվում են՝ ավելանալով 125 տոկոսով, «Հայաստանի Հանրապետության 2024 թվականի պետական բյուջեի մասին» ՀՀ օրենքի նախագծի քննարկմանն ասել է ՀՀ վարչապետ Նիկոլ Փաշինյանը։
«Այստեղ 2018 թվականի համեմատ մեր հատկացումներն ավելի են 346.6 մլրդ դրամով։ Պիտի արձանագրեմ, որ շատ էական փոփոխություն է տեղի ունեցել 2023 թվականին սոցիալական պաշտպանության ոլորտում։ Այստեղ մեր պատմության մեջ առաջին անգամ նվազագույն կենսաթոշակը համապատասխանում է նվազագույն պարենային զամբյուղին։ 2018 թվականի համեմատ մենք նվազագույն կենսաթոշակն ավելի քան կրկնապատկել ենք։
Աճը կազմում է 125 տոկոս։ Իհարկե, սա այն ոլորտն է, որ մենք հասկանում ենք՝ դեռ շատ անելիքներ ունենք»,- ասել է Փաշինյանը։
