ԿարևորՀասարակություն

Փրկարարները Հարթագյուղի Սուրբ Հովհաննես մատուռի մոտից երկու քաղաքացու են իջեցրել

Հոկտեմբերի 8-ին, ժամը 11։25-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Հարթագյուղ գյուղի «Սուրբ Հովհաննես» մատուռի մոտակայքում քաղաքացին ընկել և վնասել է ոտքը, հայտնել են ՆԳՆ փրկարար ծառայությունից:

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Փրկարարները Թ. Կ.-ին (ծնված 1960 թ․) պատգարակով (մոտ 300 մ) մոտեցրել են փրկարարական ավտոմեքենային։

Պարզվել է, որ քաղաքացի Ա. Հ.-ն (ծնված 1995 թ․) նույնպես վատ ինքնազգացողություն ունի․ իջեցնելու և իր ավտոմեքենային մոտեցնելու համար անհրաժեշտ է փրկարարների օգնությունը։

Փրկարարները Թ. Կ.-ին և Ա. Հ.-ին փրկարարական ավտոմեքենայով իջեցրել և մոտեցրել են անձնական ավտոմեքենաներին։

Back to top button