Ժամը 14:00-ի դրությամբ իրադրությունը ՀՀ սահմաններին հարաբերականորեն կայուն է, հայտնում են ՀՀ ՊՆ-ից։
Ադրբեջանը ռմբակոծում է Լեռնային Ղարաբաղը, այդ թվում՝ Ստեփանակերտը: Ստեփանակերտում հայտարարվել է օդային տագնապ: Հարձակման մասին հայտնել է նաև պաշտոնական Բաքուն:
Ավելի վաղ Արցախի ՊՆ-ն հայտարարել էր, որ ադրբեջանական կողմը Ասկերանի ուղղությամբ խախտել է հրադադարը՝ հրաձգային զինատեսակներից բացի կիրառելով նաև ականանետ։
Ադրբեջանն իր գործողություններն անվանել է հակաահաբեկչական միջոցառում։
