Շառլ Միշելը ողջունել է մարդասիրական բեռների միաժամանակյա անցումը Բերձորով և Ակնայով։
«Մարդասիրական բեռները վերջապես հասնում են Ղարաբաղի հայերին»,– X-ի իր միկրոբլոգում գրել է ԵՄ խորհրդի նախագահ Շառլ Միշելը։
Կարևոր է Բաքվի և Լեռնային Ղարաբաղի միջև բանակցություններ սկսելը՝ իրավունքների և անվտանգության վերաբերյալ, որոնց ԵՄ-ն պատրաստ է աջակցել՝ ասել է Միշելը։
ԵՄ Խորհրդի նախագահը հույս է հայտնել, որ մատակարարումներն այսուհետ կկարգավորվեն։
Humanitarian supplies are finally underway to Karabakh Armenians.
— Charles Michel (@CharlesMichel) September 18, 2023
Welcome the simultaneous passage of humanitarian cargo via Lachin & Agdam.
This must be now regularised.
Also essential to launch talks btw Baku & KA on their rights & security, which EU stands ready to support
Այսօր Կարմիր խաչի միջազգային կոմիտեի Ստեփանակերտի գրասենյակի և Արցախում խաղաղապահ առաքելություն իրականացնող ռուսական զորախմբի հրամանատարության հետ ձեռք բերված պայմանավորվածության համաձայն, Բերձորի միջանցքով՝ Գորիս-Ստեփանակերտ մայրուղով, Ստեփանակերտ է տեղափոխվել մոտ 23 տոննա հայկական արտադրության ալյուր, իսկ Ակնա-Ստեփանակերտ ճանապարհով՝ արտասահմանյան (ռուսական, շվեյցարական) արտադրության բժշկական և հիգիենայի պարագաներ։
