Երևանում ավագանու ընտրություններ են

Այսօր` սեպտեմբերի 17-ին, Երևանում ավագանու ընտրություններ են: Ժամը 08:00-ից բաց են ընտրատեղամասերը: 

Ընտրապայքարին մասնակցում է 14 քաղաքական ուժ` 13 կուսակցություն և կուսակցությունների մեկ դաշինք․

1. «Հանրային ձայն» կուսակցություն,
2. «Քաղաքացիական պայմանագիր» կուսակցություն,
3. «Արդար Հայաստան» կուսակցություն,
4. «Հաղթանակ» կուսակցություն,
5. «Ուժը հայրենյաց» կուսակցություն,
6. Հայաստանի Եվրոպական կուսակցություն,
7. «Ազգային առաջընթաց» կուսակցություն,
8. «Հանուն սոցիալական արդարության» կուսակցություն,
9. «Հանրապետություն» կուսակցություն,
10. «Միացյալ Հայաստան» կուսակցություն,
11. «Լուսավոր Հայաստան» կուսակցություն,
12. «Ժողովրդավարական համախմբում» կուսակցություն,
13. «Ապրելու երկիր» կուսակցություն,
14. «Մայր Հայաստան» կուսակցությունների դաշինք / «Երկիր ծիրանի» և «Ինտելեկտուալ Հայաստան» կուսակցություններ/:

Ընտրությունների կազմակերպման նպատակով Երևանում կազմավորվել է 475 ընտրատեղամաս։ 

Քվեարկության ողջ ընթացքը և քվեարկության արդյունքների ամփոփման գործընթացն առցանց հեռարձակվելու է Երևանի բոլոր 475 տեղամասերից՝ իրական ժամանակում։ «Ընտրություններ» ավտոմատացված համակարգի միջոցով քվեարկության արդյունքներն ԸԸՀ-ներում մուտքագրվելուց հետո իրական ժամանակում առցանց հրապարակվելու են։

Երևան համայնքի ընտրողների թիվը 824250 է։

Ընտրությունները դիտարկելու նպատակով հավատարմագրվել են  «Ականատես», «Անկախ դիտորդ» և «Հայաքվե» համատեղ դիտորդական առաքելությունները։

Ընտրությունները դիտարկելու համար հավատարմագրվել է նաև 2 միջազգային դիտորդական առաքելություն և 3 օտարերկրյա ԶԼՄ։