ԵՄ խորհրդի նախագահ Շառլ Միշելը և Կանադայի արտաքին գործերի նախարար Մելանի Ջոլին քննարկել են Լեռնային Ղարաբաղի հակամարտության հարցը։
Սլովենիայի Բլեդ քաղաքում Բլեդի ռազմավարական ֆորումի շրջանակում կայացած հանդիպման ընթացքում զրուցակիցները քննարկել են նաև Բալկաններում ԵՄ ընդլայնման տեսլականը և Հայիթիում ճգնաժամի լուծման հետագա քայլերը:
«Այս խոսակցությունները առանցքային են մեր՝ որպես գործընկերների աշխատանքի համար», — ասել է նախարար Ջոլին X-ի (նախկինում՝ Twitter) գրառման մեջ:
Անցյալ շաբաթ Կանադայի արտաքին գործերի նախարարը Մոնրեալի հայ համայնքի կենտրոնում ունեցած ելույթի ժամանակ խոսել էր «Արցախից»:
Սոցցանցերում տեղադրված ելույթի մի հատվածում Ջոլին ասել էր, որ ծրագրում է բարձրացնել Լեռնային Ղարաբաղի իրավիճակը G20-ի, G7-ի և ՄԱԿ-ի առաջիկա գագաթնաժողովներում:
«Տարածաշրջանը և հատկապես հայերը Արցախում կանգնած են իրական վտանգի առաջ»,- ասել էր Ջոլին։ «Մենք պետք է Արցախի հարցը դնենք յուրաքանչյուր դիվանագիտական սեղանի շուրջ, որին մենք մուտք ունենք»։
Կանադայի ԱԳ նախարարի ելույթն Ադրբեջանում դժգոհություն էր առաջացրել։
