Շենգավիթի բակերից մեկն է ամիսներ ցանցկապատված, անխնամ տարածք էր, կային նաև ավտոտնակներ: Այժմ տեղում հանգստի նոր գոտի է ստեղծվել: Կառուցվել են ճեմուղիներ՝ նստարաններով ու զրուցարաններով: Վերակառուցվել է ֆուտբոլի խաղադաշտն ու խաղահրապարակը, վերականգնվել՝ կանաչ գոտին: Մնացել են վերջին շտկումները:
«Այս բակային տարածքի մի մեծ մասը նախկինում զավթած է եղել բնակիչների կողմից: Այժմ ամողջությամբ բաց է տարածքը և կանաչապատ: Այս պահին բարեկարգվում է 35 բակ, դա իսկապես աննախադեպ մեծ ծավալի աշխատանք է»,-ասում է Շենգավիթ վարչական շրջանի ղեկավար Ռազմիկ Մկրտչյանը:
Նոր մարզական խաղահրապարակ կունենան նաև Նորագավիթի բնակիչները:
Այս տարի Երևանում կբարեկարգվի 210 բակային տարածք: Գրեթե բոլոր հասցեներում ավելի քան 3 տասնամյակ եղել են միայն զավթած տարածքներ ու ավտոտնակներ:
«Գտնվում ենք Թբիլիսյան 33/3 հասցեում, որտեղ ապամոնժվել է 8 ավտոտնակ և վերադարձվել է 300 քմ տարածք»,-ասում է Արաբկիր վարչական շրջանի ղեկավարի տեղակալ Գեղամ Կարապետյանը:
Վարչական շրջանի տարեկան ծրագրով այժմ Արաբկիրի բակն ամբողջությամբ վերակառուցվում է: Բնակիչները կատակում են՝ շինարարությունից հետո բնակարանների արժեքները կբարձրանա:
Մալաթիա Սեբաստիայում ու մյուս վարչական շրջաններում բարեկարգման ընթացքում բակերում անցկացվում է ոռոգման ցանց ու արտաքին լուսավորության նոր համակարգ:
«Տեղադրում ենք լեդ լուսատուներ, որոնք էներգախնայող են, կտեղադրվեն նաև արևային համակարգերով, որոնք մինչև առավոտ կլուսավորեն բակերը»,- ասում է Մալաթիա-Սեբաստիա վարչական շրջանի ղեկավար Արման Բարխուդարյանը:
Միանման է մոտեցումը նաև խաղահրապարակներում. ռետինե գորգերն ու միաձույլ ռետինե ծածկույթը պարտադիր է՝ երեխաների անվտանգությունն ապահովելու համար:
Բարեկարգ բակերը քաղաքին են վերադարձնում Երևանի բակային մշակույթը:
