Թուրքիան և Եգիպտոսը վերականգնել են դիվանագիտական ​​հարաբերությունները

Թուրքիան և Եգիպտոսը 10 տարի անց լիովին վերականգնում են դիվանագիտական ​​հարաբերությունները՝ հասցնելով դրանք դեսպանների մակարդակի, երեքշաբթի օրը հայտնել է Թուրքիայի ԱԳՆ-ն։

«Թուրքիայի Հանրապետությունը և Եգիպտոսի Արաբական Հանրապետությունը հայտարարում են երկու երկրների միջև դիվանագիտական ​​հարաբերությունները դեսպանների մակարդակի հասցնելու մասին: Թուրքիան առաջարկել է դեսպան Սալիհ Մութլու Շենի թեկնածությունը Կահիրեում արտակարգ և լիազոր դեսպանի պաշտոնում»,-ասվում է ԱԳՆ հաղորդագրությունում։

Եգիպտոսի ԱԳՆ-ն հաստատել է Թուրքիայի հետ դիվանագիտական ​​հարաբերությունները դեսպանների մակարդակի հասցնելու մասին տեղեկությունը։ Համապատասխան հայտարարությունը հրապարակվել է արտաքին գործերի նախարարության Facebook-ի պաշտոնական էջում:

Թուրք-եգիպտական ​​հարաբերությունները վատթարացել էին 2013 թվականի հուլիսին Եգիպտոսի նախագահ Մուհամմեդ Մուրսիի տապալումից և դրան հաջորդած արյունալի բախումներից հետո։ Էրդողանը կտրուկ դատապարտել էր եգիպտացի զինվորականների գործողությունները գահընկեց արված նախագահի կողմնակիցների նկատմամբ։ Թուրքիան և Եգիպտոսը 2013 թվականի օգոստոսին հետ էին կանչել իրենց դեսպաններին խորհրդակցությունների համար , որից հետո Եգիպտոսը Թուրքիայի դեսպանին պերսոնա նոն գրատա էր հայտարարել, իսկ Թուրքիան՝ Եգիպտոսի։