Ֆրանսիան ափսոսանք է հայտնում Հայաստանի և Ադրբեջանի սահմանի մի քանի կետերում վերջին 48 ժամվա ընթացքում տեղի ունեցած զինված միջադեպերի, այդ թվում՝ հայկական տարածքում գտնվող Երասխ գյուղում քաղաքացիական անձնակազմի վրա կրակոցների համար, նշված է հայ–ադրբեջանական սահմանային միջադեպերի կապակցությամբ Ֆրանսիայի արտգործնախարարության տարածած հաղորդագրության մեջ։
Ֆրանսիան կոչ է անում զսպվածության ցուցաբերել, թուլացներ լարվածությունը և պաշտպանել քաղաքացիական բնակչությանը։
Նաև վերահաստատում է իր աջակցությունը Լաչինի միջանցքում երթևեկության վերականգնման վերաբերյալ Արդարադատության միջազգային դատարանի` 2023 թվականի փետրվարի 22-ի որոշման լիարժեք իրականացմանը։
«Ֆրանսիան լիովին կողմ է, որ տարածաշրջանում խաղաղության հաստատվի` ի շահ քաղաքացիական բնակչության»,- ասված է հաղորդագրությունում:
Ադրբեջանի զինված ուժերը Հունիսի 14-ին կրակ էին բացել Երասխում կառուցվող մետալուրգիական գործարանի ուղղությամբ, որի հետևանքով վիրավորվել է Հնդկաստանի 2 քաղաքացի։
Ադրբեջանական զինուժը գործարանի ուղղությամբ կրակ է բացել նաև հունիսի 16-ին։
