Հայաստանի պաշտպանության նախարարությունը նախատեսում է այս տարի մասնակցել ԱՄՆ բանակի Եվրոպայում հրամանատարության կողմից կազմակերպված երկու վարժանքներին, Թվիթերի իր գրառմամբ հայտնել է ՊՆ մամուլի խոսնակ Արամ Թորոսյանը։
Նրա խոսքով, Հայաստանը կմասնակցի KFOR-ի (Kosovo Force) և Saber Junction զորավարժություններին։
The Ministry of Defence is planning to participate in two other exercises organized by the #US Army Europe Command this year: #KFOR and Saber Junction. pic.twitter.com/hq5zgA6uC5
— Aram Torosyan (@ToroseanAram) April 7, 2023
Հինգշաբթի ԱՄՆ պաշտպանության նախարարությունը իր կայքում տեղեկացրել է, որ Հայաստանը մասնակցելու է ԱՄՆ-ի գլխավորած Defender 23 զորավարժություններին Ալբանիայի, Բոսնիա և Հերցեգովինայի, Բուլղարիայի, Խորվաթիայի, Չեխիայի, Դանիայի, Էստոնիայի, Ֆրանսիայի, Վրաստանի, Գերմանիայի, Հունաստանի, Հունգարիայի, Իտալիայի, Կոսովոյի, Մոլդովայի, Չեռնոգորիայի, Նիդեռլանդների, Հյուսիսային Մակեդոնիայի, Լեհաստանի, Ռումինիայի, Սլովենիայի, Իսպանիայի, Շվեդիայի և Միացյալ Թագավորության հետ:
Քիչ անց, սակայն, Հայաստանը հանվել էր ցուցակից։
