Մարտի 7-ին աշխատանքային այցով Սիրիա է ժամանել Հայաստանի Հանրապետության սփյուռքի գործերի գլխավոր հանձնակատար Զարեհ Սինանյանի գլխավորած պատվիրակությունը:
Նույն օրը Սիրիայում ՀՀ դեսպանությունում տեղի է ունեցել հանդիպում Դամասկոսի հայ համայնքի հոգևոր և միութենական ղեկավարների հետ:
Հանդիպման ընթացքում մանրամասնորեն քննարկվել են հայ համայնքի առջև ծառացած խնդիրները, դրանց հաղթահարման ուղիները՝ հատկապես փետրվարի 6-ի ավերիչ երկրաշարժի լույսի ներքո: Համայնքի ներկայացուցիչները Զարեհ Սինանյանին են ներկայացրել ստեղծված իրավիճակը և դրանից դուրս գալու ուղղությամբ կատարվող աշխատանքների ընթացքը:
Հանդիպման ժամանակ մանրամասնորեն քննարկվել է նաև Հայաստան-Սփյուռք համագործակցությունը և դրա հետագա ընդլայնման և զարգացման հեռանկարները:
