Մենք ողջունում ենք Գերմանիայի կանցլեր Օլաֆ Շոլցի հայտարարությունը, որ հակամարտությունը պետք է կարգավորվի խաղաղ կերպով՝ տարածքային ամբողջականության և Լեռնային Ղարաբաղի ժողովրդի ինքնորոշման իրավունքի հավասարազոր սկզբունքների հիման վրա, թվիթերում գրել է Արցախի Հանրապետության նախագահ Արայիկ Հարությունյանը։ Նա արձագանքել է նախօրեին Գերմանիայի կանցլեր Օլաֆ Շոլցի՝ ՀՀ վարչապետ Նիկոլ Փաշինյանի հետ հանդիպումից հետո համատեղ ասուլիսում հայտարարած այն մտքին, որ ադրբեջանաղարաբաղյան հակամարտության խաղաղ հանգուցալուծման գործում Գերմանիան նաև ինքնորոշման իրավունքի կողմնակից է:
«Հակամարտության կարգավորումը հնարավոր չէ առանց ամբողջությամբ հաշվի առնելու մեր ժողովրդի հիմնարար և հավաքական իրավունքները»,- նշել է Նախագահ Հարությունյանը:
We welcome @OlafScholz’s statement that the conflict should be settled peacefully on the basis of equal principles of ter integrity & right to self-determination of the Nagorno-Karabakh people.
— Arayik Harutyunyan | Artsakh President (@Pres_Artsakh) March 3, 2023
Settlement is impossible without fully considering our fundamental/collective rights.
