ՖԻԴԵ-ն հրապարակել է շախմատիստների վարկանիշային հերթական աղյուսակը:
Ինչպես հայտնում են Հայաստանի ազգային օլիմպիական կոմիտեից, դասակարգման աղյուսակում Հայաստանն ունի 5 ներկայացուցիչ։
Տղամարդկանց ցանկը շարունակում է գլխավորել աշխարհի գործող չեմպիոն, նորվեգացի Մագնուս Կառլսենը / 2852 միավոր /:
Հայաստանից առաջին հարյուրյակում են Գաբրիել Սարգսյանը / 2699, 41-րդ / և Հայկ Մարտիրոսյանը / 2686, 50 –րդ /
Կանանցից լավագույնը կրկին չինուհի Հոու Յիֆանն է / 2628 /:
Մեր երկրի ներկայացուցիչներ Էլինա Դանիելյանը / 2431 / 40-րդն է , Լիլիթ Մկրտչյանը / 2379 / ` 68-րդը և Աննա Սարգսյանը/ 2371 / ` 74-րդը:
Հայաստանի շախմատի տղամարդկանց թիմի նախկին առաջատար Լևոն Արոնյանն, ով այժմ հանդես է գալիս ԱՄՆ դրոշի ներքո, 11-րդն է:
