7,3 մագնիտուդով երկրաշարժ է տեղի ունեցել Տաջիկստանում՝ Չինաստանի Սինցզյան-Ույղուրական ինքնավար շրջանի սահմանի մոտ, հայտնել է Չինաստանի սեյսմոլոգիական կենտրոնը։
Ստորգետնյա ցնցումները գրանցվել են տեղական ժամանակով 8.37-ին: Սեյսմոլոգիական կենտրոնի տվյալներով՝ երկրաշարժի օջախը գտնվել է 10 կիլոմետր խորության վրա, իսկ էպիկենտրոնը գտնվել է Չինաստանի հետ սահմանից մոտ 82 կմ հեռավորության վրա։
Ղազախստանի ԱԻՆ-ից հայտնել են, որ երկու-երեք բալ ուժգնությամբ ցնցումներ են զգացվել նաեւ Ալմաթիում։ Իսկ Ուզբեկստանի մայրաքաղաք Տաշքենդում ցնցումները եղել են երեքից չորս բալ ուժգնությամբ։
Բնակչության շրջանում ավերածությունների կամ զոհերի մասին տեղեկություններ դեռ չկան։
