Դեպի Հայաստան ճանաչողական այցերի ծրագրի շրջանակներում փետրվարի 11-ին Երևանում տեղի է ունեցել հայաստանյան և բալթյան ու սկանդինավյան երկրներում զբոսաշրջային գործունեություն իրականացնող գործակալների հանդիպում՝ B2B ձևաչափով, ինչը գործընկերային կապերի հաստատման և համատեղ նախագծերի քննարկման հնարավորություն էր մասնակիցների համար։
ՀՀ Զբոսաշրջության կոմիտեից հայտնում են, որ ծրագիրն իրականացվել է ԵՄ և Գերմանիայի տնտեսական համագործակցության և զարգացման նախարարության (BMZ) աջակցությամբ:
Կոմիտեից հայտնում են նաև, որ 2023թ. մայիսից կմեկնարկեն Ռիգա-Երևան ուղիղ չվերթները, ինչը կնպաստի երկրների միջև զբոսաշրջային հոսքերի ավելացմանը:
