Գորիս–Կապան ճանապարհահատվածում և Վարդենյաց լեռնանցքում այսօր՝ ժամը 9.30–ի դրությամբ, տեղ-տեղ մերկասառույց է, այս մասին տեղեկացնում է ՀՀ տրանսպորտի և կապի նախարարության լրատվական ծառայությունը։ Միջպետական և հանրապետական նշանակության ավտոճանապարհները բաց են: Անվտանգ երթևեկությունն ապահովելու նպատակով ավտոճանապարհներին կատարվում են մաքրման, աղով և ավազով մշակման աշխատանքներ: Հանրապետության ողջ տարածքում առանց տեղումների եղանակ է:
