Ազգային պատկերասրահի հավաքածուն համալրվել է 20-21-րդ դարերի հայ նշանավոր գործիչների դիմանկարներով ու գրաֆիկական ճեպանկար-էսքիզներով:
Տարեվերջյան ցուցադրությունում ներկայացված դիմանկարների յուրահատուկ շարքը Արամ Իսաբեկյանը նվիրել է Ազգային պատկերասրահին:
2021 թվականին Ազգային պատկերասրահը նախաձեռնել է «Նվիրատուներ և նվիրատվություններ» լայնածավալ նախագիծը, որի առաջին ցուցադրությունը ներկայացնում էր Հովհաննես Այվազովսկու և նրան առնչվող հայ ծովանկարիչների ստեղծագործությունները:
Նախագծի հեղինակ և ցուցադրության համադրողը Մարինա Հակոբյանն է:
