Մաեստրոն դահլիճում ու իր սրտում ամենակարևոր տեղը երեխաների համար էր պահում․ Տիգրան Հեքեքյանը՝  Օհան Դուրյանի մասին

2022–ը  դուրյանական տարի էր։ Հայ մեծանուն դիրիժոր, կոմպոզիտոր Օհան Դուրյանի 100-ամյակին նվիրված միջոցառումների շրջանակում Երևանում կայացել է «Հայաստանի փոքրիկ երգիչներ»-ի համերգը՝ երգչախմբի գեղարվեստական ղեկավար Տիգրան Հեքեքյանի գլխավորությամբ։ Մաեստրոն պաշտում էր երեխաներին։  Հեքեքյանը պատմում է՝ Դուրյանն անչափ ուրախանում էր, երբ իրեն այցելում էին փոքրիկ երգիչները, լսում էր նրանց, իր խորհուրդներով կարծես օրհնում փոքրիկ երաժիշտներին։