Շվեյցարական Դավուսում անցկացվող Համաշխարհային տնտեսական ամենամյա համաժողովում այս տարի քննարկվել է նաեւ Իրանի միջուկային խնդիրը։ Իսլամական Հանրապետության նախագահ Հասան Ռոուհանին հայտարարել է, որ Իրանը մտադիր չէ միջուկային զենք մշակել, սակայն չի պատարաստվում նաեւ հրաժարվել խաղաղ ատոմի ծրագրի իրականացման իր իրավունքից, հայտնում է «Ինտերֆաքսը»։
«Միջուկային զենքը մեր անվտանգության ռազմավարությունում տեղ չունի եւ Իրանթ մտադիր չէ շարունակել այդ ուղղությամբ»,- համաժողովի մասնակիցների հավաստիացրել է Իրանի նախագահը։
Նրա խոսքով՝ իրանական միջուկային ծրագիրն ունի բացառապես խաղաղ նպատակ։ Ռոուհանին նաեւ նշել է, որ Թեհրանը «չի հանդուրժի ոչ մի խոչընդոտ գիտական առաջընթացի ճանապարհին»։
